=10 $

Hindistannin' Tirupati qalasinda qol kompyuterinin' jan'a ha'm a'jayip nusxasi xaliqqa usinildi.Onin' itibarg'a ilayiq ta'repi-10,20 dollarg'a satip aliwg'a boladi dep xabarlaydi Bangalodan IANS xabar agentligi.

  Notebook Chennaydag'i Hindistan axborot texnologiyalari instuituti ha'm de Bangalordag'i Ilim-pa'n instituti birlesliginde aymaq resurslarin rawajlandiriw hu'kimeti usinisi boyinsha jaratilg'an.

"Arzan bahadag'i bul kompyuterdi jaratiwdag'i birden-bir maqset kem ta'miynlengen aymaq qatlamlarinin' da kompyuter sawatxanlig'in asiriw bolip esaplanadi",-deydi Hindistan axborot-texnologiyalari instituti wa'kili.

  Basqa notebooklerge qarag'anda awirlig'i ha'm o'lshemi aziraq bul jan'a kompyuter 2 gigobayt pamyatqa ha'm de internetke simsiz jalg'aniw imkaniyatina iye.

  Ha'kimshilik bul jan'a kompyuterdi qala boylap barliq mekteplerge tarqatiwdi buyirip ha'm usi jol arqali kompyuter sawatxanlig'in asiriw,rawajlandiriwdi maqset etken.

  "Maqsetimiz,2014-jilg'a deyin joqari oqiw orinlarinda oqiwshi talabalar sanin 5 payizg'a ko'beytiw",-deydi aymaq resurslarin rawajlandiriw wa'kili Ardjun Singh.

Usi maqseti jolinda hu'kimet 1 milliard dollardan artiq pul ajiratqan.