14:09 Xaker | |
| Ko'pshiligin'izdi Xaker degen so'z kop oylandirsa kerek, yag'niy kim ozi olar, ne jumis isleydi, degen siyaqli. Men qaytkende de olardin' kim ekenin aniq ta'riplep bere almayman, biraq sonday bolsada olardin' islegen jumislarin korsen'iz, birazda bolsa da tu'sinip alarsiz. Menin' pikirimshe Xakerler - En' aqilli insanlar. Olardin' o'z du'nyasi bar ha'm o'mirge degen basqasha ko'z qarasqa iye. Ha'mmen'izdin' biliwin'iz boyinsha du'nya ju'zlik en' taniqli xakerler bular "Anonymous" topari. Ha'tteki o'z waqtinda olardi toqtatip qaliw ushin ma'mlekettegi internetti biraz waqitqa oshirip turiwg'a tuwra kelgen. Biraq men sizlerdin' aldin'izg'a keltirip o'tetugin xakerler bular - en' ku'shlileri, en' zorlari, en' aqillilari ja'nede nizamdi kop buzg'anlari, biraq ha'zirgi ku'nde nizam astinada jumis alip baradi. Solay etip, du'nyag'a belgili bolg'an xakerlerdin' reytingi to'mendegishe: 1. Kevin Mitnik O'zlerin'izge belgili bolg'an, usi ku'nge shekemgi xakerlerdin' ishindegi en' belgilisi bul - Kevin Mitnik. AQSh tin' adliya departamentinin' aytip o'tiwinshe "en' qa'wipli kompyuter jinayatshisi" bolip esaplanadi. Ol du'nyadag'i en' jetekshi texnologiya ha'm telekommunikatsiyaliq kompaniyalardin' kompyuter dizimin isten shig'arg'an. Solardin' ishinde du'nayg'a belgili bolg'an Nokia, Motorola, Fujitsu. FBR din' ken' tu'rdegi alip barilg'an qidiriwlarinan keyin, 1995 jili Mitnik qolg'a aliniwg'a eristi. Son' ol 5 jil qamaq jazasin atqarip, mu'ddetten aldin azat qilindi. Solay etip, 2000 jildan baslap ha'zirgi ku'nge shekem kompyuter qawipsizligi boyinsha ma'slahatshi bolip jumis islep atir. Ol o'tken o'mirindegi jumisin xakerlik emes "sotsial injenerlik" jumisin alip bardim dep esaplaydi. 2. Kevin Poulsen Kevinnin' birinshi ma'rte taniqli boliwi, ol Los-Andjelestag'i radiostansiyalardin' birinin' telefon tarmag'in isten shig'arg'ani. Yag'niy, anig'iraq qilip aytqanda 102-bolip qon'iraw qilg'an adam bolmaqshi edi ha'm sol arqali jarisqa qoyilg'an sawg'a, Porshe avtomobilin utip aliw niyetinde edi. Kevin o'zinin' jasirin ati Qara Dante laqabi menen Eskort-agentliginin' eski no'merin tiklep, sol arqali basqarip baradi. Federal qidiriw agentliginin' mag'lumatlar toplamin isten shig'arg'annan keyin, tez arada hakimiyat wa'killeri oni qidira baslaydi ha'm qolg'a alinadi. Son' qamaqtan shiqqannan keyin, Poulsen jurnalist bolip jumisqa kiredi. 3. Adrian Lamo Adrian Lamoni ko'pshilik "u'yi joq xaker" dep ataydi. Sebebi, ol o'z jumisi ushin internet-kafe ha'm kitapxanalardag'i kompyuterlerden paydalanatug'in edi. Onin' qilg'an ko'pshilik isleri kompyuter tarmaqlarin isten shig'ariw ha'm olardin' iyelerine sol haqqinda aytiw o'tiw edi. Adriannin' taniqli boliwi ol New York Times gazetasinnin' dizimin bu'zip ham sol jerdegi tekseriwshi wa'killer qatarina o'zinin' atin qosip qoyiwi edi. Ja'nede, ol LexisNexis gazetasinin' dizimin buzg'an, sebebi sirli saqlang'an mag'lumatlar ishinen ayrim kerekli temalardi aliw ushin. Ha'zirgi waqitda Lamo jurnalist bolip islep atir. En' basinda xaker degen so'zdi kompyuterdi jaqsi tu'sinetug'in, oni programmalastiriwdi biletug'in, anig'iraq qilip aytqanda kompyuterdi o'zinin' bes barmag'inday basqara alatug'in adamlardi aytatug'in edi. Al ha'zir bolsa bul so'z basqasha, yag'niy unamsiz ma'nide qollanilip keledi. Xaker degen so'zdi esitken insan kompyuter jinayatshisin ko'z aldinda keltiredi. Ol qandayda bir nizamdi buzip yaki usig'an uqsas jumis penen shug'illang'an dep tu'sinedi. Sonday bolsa da Xakerlerdin' paydali ha'm ziyanli ta'repleri bar. (tolegenov.com) | |
|
| |
| Всего комментариев: 4 | |
MAKS UZIR BILMEY QAPIS ONI JAZIW SHART EKENIN ADMIN HAM MODERATOR SIZDENDE UZIR SORAYMAN
[ Регистрация | Вход ] | |
